தங்க மீன்

அதிகாலை நேர கனவில் தங்க மீனொன்று என்னை எழுப்பியது
அழகிய மீன் இளவரசியை பிடிக்க முயன்றேன்

புரிய முடியாத புன் சிரிப்புடன் என் மேல் வீசிச் சென்றாள்,

பட்டாம்பூச்சி தேடல்களின் தோல்வி நேரங்களை,

கண்ணாமூச்சி ஆட்டத்தின் கடைசி நிமிடங்களை,

வைக்கோல் போரின் மேல் ஏற முயன்று தவறி விழுந்த தடயங்களை,

வெயிலின் உக்கிரம் எதிர்த்த மிதிவண்டி பயணங்களை,

தங்க மகளை புரியாமல் நோக்கிய எனக்கு சிறு புன்னகையில் புரிய வைத்தாள்

தொடர்ச்சி இல்லா நினைவுகளின் ஊடே என்னுடன்
தொடர்ச்சியாய் பயணித்த என் குழந்தை மனதை